Сабара йигъбына гьихъа Дагъыстанни ГьоIкуматна Садры АIбдулмуслим АIбдулмуслимов республикайни делегациейни вукIлел’ Мурманскни вилаяте ыхьа ва джурабаджурайни тадбырбышее иштыракау. Дагъыстанни делегациейн адый ГьаIджиево шагьарни 68 сениква багълыда ыхьа. Шагьарни йигъни шадлыгъбышди чечнайл’ хил’дже тадбырбы илгъечIу. Манчини аIрее СССР-ни КьаIгьраманыс, 2 дараджайни капитаныс МаIгьаммад ГьаIджиевыс гивхьуна гьайкал ачмишавъу. Мааъад чыхышаъанкъаI АI. АIбдулмуслимове дагъыстанни халкьыни доюле монумент къурмишавъуйнбышис...

Сентябрьни 30-че Дагъыстанни хаIрынкъве Сергей Меликове Республикайни эскерийвалехъа хъоотIални комиссиейн ва ДР-ни Оперштабын иджлас алгъавгьу. Мааъаб аIсас гаф цывылийни эскерийвалехъа хъобтIулыйни кампаниейс гьазирийвал’ни гьаIкIее вухьа. ЙикIел’хъаляъанки, оIлкее октябрьни санчил цывылийн эскерийвалехъан хъобтIулый гидгъыл. Регионни регьберни увгьойка, гьоIкуматни башчийе цывылийни эскерийвалехъа хъобтIулыйни кьарарыс къол гиххьы ва ши манчини ишекечирмишаийлхъа гивийгъал. Июльни вуза ши юххьанийни кампаниейн екунбы...

Октябрьни 1-чил дюнйейл’ кьаIсинбышин Йигъ алгъайгьи.Дагъыстанни халкьбыше кьаIсди инсанна дараджа, ваIъазбы, васибы, мыIслягьатбы гьаргьаммаше гьихъа аххъы. КьаIсинкъун джуваб хизаныс, насылыс, хивыс кьанун ыхьа. Ешли инсанар хавна, хизанна, хивна баракат вобна. Манбышди гьалалыйвалике, каамил’ни ихтелетике духйебышди, йишбышди, невабышди ыIмрен накьыш аIслыда. Насылна гьоIрматий дараджа джони, кьаIсинбышди, гьаIракатбышике ва къеджени хайирнани ишбышике аIслыба. Вааджибын ишбы къаджессе гьихъа,...

Эйгьи вод: «Ватан къорамишавъуй гьар инсанын бордж водун». Къийнийни йигъыл’ йишди Ватаныс къырагъыле гичI вобнанкъаI мани джуваббышихъад хаIбна гудж вухьай ваацIоохьена. Россиейни эскерарше оIлкайна садибийвалла, инсанаршина саламатийвалла гьуваджесдимее СВО миллетчершикван ва манбышис кумагаъанбышикван вурушбы ыккекка. Россиейн СВО вуккеккани вурушбышин тахсиркарар Украина ва манбышис ярагъыквайий пылыква кумаг гьелен Авропайн оIлкабыйий АмеркIа водун. Къийна мани гьоIкуматбыше джо...

Октябрьни 1-3-чил’ МагьачIкъалайни шагьаре «Сувал’ни торпахбышин маIгькамда инкишаф гьаъуй» КьоIдъэсын халкьбышди арайлин форум илгъечIес. Ман форум СНГ-ни Парламентбышди Ассамблеяйн, РФ-ни Совет Федерациейн, Россиейни ыIлимбышди академиейн, Дагъыстанни Правительствайн ва Россиейни ДжаIмиятбышди палатайн тешкиляъу водон. Форуме 13 гьоIкуматыле абыйни 300 авабкъырни инсане иштыракаъас ва манбыше мааъад дюнйейни сувабышди торпахбышда вазиятагъмишааъас. Ман форум няхуIде илгъечIес, маaъад нени суалбышихъае...

Гьайни йигъбышее МагьаIчкъалайни шагьарее «Миллетбы хаIдда – оIлка са» гьар сенийн республикайн конкурс илгъечIу. Конкурс республикайни милли сиясатни ва динни ишбышди министерствайн алгъавгьу. Мааъад республикайни шагьарбышейнче ва районбышейнче абыйни фольклор дестебыше, , ед’ни мизел’ шечIбы хъаIдаххъанбыше ва сабара мебынбыше иштыракау. Манбыше гьийгъанче гьихъа конкурсейхъа йаIххъыл’ гьауйни ишбышин екунбы ыккы. Манчис къадсырыйн йигъынджагъ сабара гагьна республикайни...

Гьар сен октябрьни хьончил’ Россиейл’ маъаlллимаршин йигъ алгъайгьен аlдат водун. Маъаlллимийвалла дагъамын ва лазымын санаъаlт водун. Мана пешейс къуллухааъана инсан медынчилхъа джан айгье деш. Манкъуна ыlмыр ушахаршис тербие, ацlаал’ гьувойка багълыба воохьи. Йишди миллетыхъабыб мани санаъаlтылхъа аlшкь гьагуйн ва гьагван инсанар кlылба дешобунбы. Манбышда гьаарна са ахтыйни доюс лайикьра ворна. Маъаlллимийвалла гьааъани инсаныхъаб ацlаалиле гъайре,...

Дагъыстанни гьоIкуматни университете «Философиейни ва сиясатни арайл’» Быкырроссиейни ыIлми-практик конференциейн цIеддыйн йигъ илгъечIу. Маджлис Дагъыстан Республикайни цIеррыйни президентни, философиейни ыIлимбышди докторни, профессор Муху АIлиевни 85-сенийс къабсыр. Конференцие ДР-ни ХаIрынкъуни ва ГьоIкуматни Администрациейни ва Россиейни ыIлимбышди академиейни философиейни институтни кумагыка тешкиляу. Манчее иштырак гьаъасдиме 100 агъаллан доюкан россиейн ааIлимар, гьоIкуматын къуллухчер, сиясатчер, философар абы. Дагъуниверситетни ректорни...

Гьайни сен ХаIбна Ватанна даIвъий таамувхьайн 80 сен быкырхьа. Манчиле гъайре Президент Владимир Путинни амрыква оIлкее 2025 сен Ватан къорамишааъанбышин сен эълан гьау. Совет гьоIкумат фашист Германиейле гъамувхьайни юбилейис къадсырыйн хаIдда парадбы, йигъынджахбы, иджласбы, концертбы илгъечIу. ГьаIшдед Россиейл’ маIгьдын тадбырбы таамхьа дешинбы. Дагъыстанейид Гъамувхьайни 80 сенни юбилейиква алаакьанан югун тадбырбы илгъечIи водунбы. Къийна шас ачухын...

Сентябрьни 21-чил МаIгьачкъалайни «Труд» стадионе Дагъыстанни халкьбышди Спартакиадайн ачмишхьай ыхьа. Мааъад республикайни премьер-министре АIбдулмуслим АIбдулмуслимове иштыракау. Тентенейквани шадлыгъбышейхъа регионни джурбаджурайни шагьарбышейнчен, районбышейнчен спортын гьаваскарар, доюкан спортсменар, гьуIкумын къуллухчер, СВО иштыракчер сабы. ОIюнбышиле гьихъа парадыка джурбаджурайни сенбышее Олимпиейн медалбы алятIуйн республикайн машгьур спортсменар илгъебчIы. Гойне иштыракчий-камандабышин парад ыхьа. Тентенейквани маршыка майданейхъа Дагъыстанни гыргыни муниципалитетбышин йыгъма камандабы...