СВО гидгъылыйле хъийгъа «Нур» кIазетин мааъаб воохьени йишди эл’ни джаванаршиква гуджнакван алаакьабы аххъаххъа. Эскераршина вазият ваацIавхьесдимее, манбышиква экIба-экIба связейхъа хъигъеебачIи. Хайбышейхъа истираIгьатыс хъабыйни джаванаршикван редакциейъад горушбы алгъайгьи. Сабара гагьна гьихъа йишин мигьманар СВО иштыракчер Сулейманов АIлийий АIшураIлиев Азан вухьа. Манбы редакциейхъа кIазетни мухбирни Рамил’ АIбдуллаевни теклифыка абы. Сулейманов Алий ва АIшураIлиев Азан СВО гидгъылни цIеддыйни...

ЦIаIхбы таарыхни асырбышее ацIаалилхъа, динилхъа гьавасыкван миллет ыхьа. ЙыIкьнекни асырбышди абидабышди одкIунийбыше шакIле эйгьен — йиссейда цIаIхбышихъад джон ойкIанан язы ыхьа. АIрабаршини космографе Закарийя Казвиние, 13 асыре ЦIаIхее ыхьайнкъаI, джуни ыIлми ишбышее одкIунийн : «…Гьиняаъад ешемишехьени халкьыхъад джон адабият, маданият , оокIанна миз воб (язы вод). Манбыше джони мизелхъа чIакIын китаббы «Компеди музани» ва «Имам...

Сабара вазбышиле Украине СВО аIлгъаан ёкьудле сен быкырхьес. Мани вахтни аIрее дюнйейл’ хаIдда карбы бадалхьа, хаIдда дюгленын карбы акьвалхъа ашкархьа. ДаIвъийн хыл’ гьаммаше писин, зияныкван, нягьаIкьын ыхьа. Анджах гьалед хаIдни зиянбышекейий, дагъамийвал’бышике къорамишивхьесдимее хылехъа ярах алеетIас гехьа. ОIтмышхьайни асырбышее хаIдда даIвъийбы ыхьайнбы. Гьаарни даIвъийн оIлкабышди аIреедын сергьатбы бадалаъы. Сассабы дагъылмишхьайнбы, сассабы тезеда къурмишхьа. Гьаарни даIвъийхъаб...

Сура асырна гьихъа дюнйейн къурлыш планетайни гыргыни оIлкабышис баштаданий. Мани вахтал’ ООН-ни ташкилатыхъаб хаIбна кьувват вухьа ва манчин гьоIкуматбышди арайл’на барабарыйвалла гозетяаъананий. Гьел’бедти таарыхни гьаарни замаанайл’ ёкьуд-хьод экономикайс, имканбышис гуджнакан оIлкабы ыхьайнбы, амма манбышди фыкрее медын хурун, заIъыфын, касибын гьоIкуматбы гёкьаIс ненкеджад ыхьа деш. Совет гьоIкумат дагъылмышхьайле хъийгъа, дюнйе сайидкьылыйн. Саакитийвалла авху деш. ГыргынаIнкъаI даIвъийбышин...

ДР-ни хаIрункъуни Сергей Меликовни тапширмишаийка СВО зонэйхъа мед эскераршисын кумаг къахову. Ман юк джигайлхъа ДР-ни ХаIрункъуни ва ГьоIкуматни Администрациейни Регьберни маIъвыне –маIълуматни сиясатни ва пресс-къуллухни Управлениейни хаIрункъве Рашид Акавове, регионни башчийни кумагчерше Саид Маматханове ва Мурадхан МуртузаIлиеве, Хасавюртни башчийе Корголи Корголиеве гьихьарау. Манбыше «Каспий» батальонни эскераршисхъа къуллухыл’ ва маишатыл’ ишлемишаъан энки лазымын карбы хъуво: дронбышиле,...

Гьар деккина, едина мураад вобна джон ушах, джони сагъвалее, эвлемитшаъый, хав-уджагъна гьаый. Мани шадни йигъыс инсанар сенбына гьазироохьи. Сабара вахтна гьихъа ыхьайни даватбышди тамашейхъа илякканкъаI, хаIдын бадалхьайбы закIле къадже. Даватбышее иштракаъани, мыкIар гьаъани инсанаршин сифатбы , гьаIракатбы, аляуйн палтар гьаIшдийни даватбышике кьат-кьатна джурахьи вод. Йиссейни даватбышихъа илякканкъаI, инсанаршина йикIеенчена шадвалла къооджи. ГьаIкIебаб манбыше даватбышди ессибышиква...

КъыIлийни вузаршее Бабаюртни бинабышил’ни йишди миллетни ушахарше джона вахт хайирыква алгъайгьи. Манбыше каникулбышее гьам диндж аляатIа, гьамыб аIрабна миз’ хаIбхъоохьи. Манчиниме ушахар манзикей абайли. Гьайни сеныд Калел’ни хивни йыIкьнекни манзикейни аIрабни мизекени курсбышис джегьилерше хаIдын марах гьагу. ушахар сабы. Курсбышейхъа хъавайлени ушахаршис аIрабни мизени устадарше’, маъаIллимарше грамматикайн, хъаIдхъийнийий одкIунийн дарсыбы гьели. Манбы мусурманни динни таарыхыква...

ЦIаIхбыше гьаммаше одхьанни къыкына кьадир гьуваджына. Эн аIсас сувал’ ешемишехьени инсане одхьанан кар гыней ва хоIйике гьаъыйн хораг водун. Гыней ва хоIйике гьаъыйн хорагбы суфранылхъа гьихьарассе гьихъа, манчис хаIбна заIгьмат гьааъа ва хыллийна вахт авайкIан. ЦIедда эзан, хъийгъа хъийшалан, чихъад хъигьна варабы гьаъа, гойне тахыл’ гивийхаIр, хъийгъа хоIйике вудне гьаъы, тандурее нейид курее гыней хъеджи,...

Йишин цIаIхбы няаъаб вухьейиб гьаммаше гьаIракатыква ва баджарагъыква гьагва, манбыше къеджени ишбышис ахтына кьиймат гьооле.  Гьайни йыгъбышее Астраханни шагьарни хаIрынкъвее маани «Дагъыстан» донани маданият марказни чIакIынбышилхъа июльни вузани аIхрее Ляхова 2 кучее кьидотIкулни мертабанани хааъаб ешемишохьени инсанаршис джон карбы машинбышиква медни джигеехъа гьаххъас кумаг гьеъева хагьиш гьаъу. ЦIебба мани хагьишыс Астарханни шагьаре ешемишоохьен йишин цIаIхбы...

Къийнийни йыгъыл’ йишди сувал’ни хиваршее саджу Билайнна хаIтI ишлемишоохьи вобна, ахуйнбы дешинбы. Билайн йишди хиваршехъа миллетни доюквани инсане ШаIъбан Кьасымове цIыцIаъу ва маничихъа гора манкъс джамаъатын гьаIшдед алхышбы гьаъа ва сагъулва эйхьи. Ишыхбы адкIынийнкъаI хиваршее телефон ишлемишоохьи деш, манчихъа гора инсанар лазымни вахтал’санасанкъуква йишонувхьас дагъамийвалла цIыцIаъа.Мани сардан ши гейд одкIунийн ва сабара лазымни джигабышехъа мураджиетбы...