Гьар сен февральни 21-чил’ йишди дюнйейл’ни хаIдданани оIкабышее ед’ни мизен йигъ алгъайгьи. Мани йигъыл республикайни майданбышее, хъаIдхъийни ташкилатбышее, мактаббышее ед’ни мизяршика ва адабиятыква алаакьан конкурсбы, маджлисбы, тамашебы илгъечIи. ЦIаIхни миллетни «Нур» кIазетыныд ман аIдатбы гьувадженбы. Сенис цIаIхбышди мактаббышее профессор Ибрагьимов Гьарун Халил’ни духайни доюлин конкурс алгъайгьи. Са сен Сувал’ни маIгьалыл’ни мактаббышее алгъайгьи, кьоIдъэсди сен Бабаюртни...
Россиейл’ 23 февралын байрам алгъайгьен 100 агаллан сенбы водунбы. Мани вахтал’ манчин до хьулехьейд бадалхьайн. Амма байрамна патриотизмайна аIсасна маIънаа авхуна. Ватан къорамишааъанбышди йигъыл’ инсанарше гыргынбышиле гьихъа Ватан къорамишавъуйниме игитийвалла, кьаIгьраманийвалла гьаагуйнбышис гьуIрмат гивийхьи. Къийна къайи хьебадъэсди февралыл’ гыргын адамер табрикааъан аIдат водун. Махъаб армиейка алаакьа дешин вугIул’ни касын эл’черыб гябакIа вобунбы. Мани сардан армиее...
Мисала вобна: «КьаIсинбы вобни джигее барака воохьена». Ман гьаIкеIн ихтелет водун. Манбы садджу баракаджаб деш, гьамыб хаIбна девлет вобна. Манбышда дараджа, джига цIаIхни халкьын гьаммаше кьома гьувааджи. Манбышда гьуIрмат авхъаххъана. Гьайни йигъбышее кIазетна корреспондент Калел’ни бинайл’ ешемишейхьена Къараева Ана адийква хъызаххы. Ана адийни ыIмырни, хизанни, ушахаршини гьаIкIее гаф гьавъу. Ана адий аварбышда йиш ворна. МаIнкъына...
МагьаIчкъалайни шагьарее Афганистан гьабтIыйни эскерар йикIел’хъаваляаъан дзюдойн турнир илгъечIу. Мааъад 23 ешейхъамейни гадебышейий ичерше иштыракау. Манбышди джаргее ГьаIджиева Амина Русланна йищыр йихьана. МаIнкъее цIеббыйна джига авхъу. Амине МагьаIчкъалайни шагьарее «Спартак» донани дзюдойн идманчер хаIбхъааъани клубна уIзву ворна. Гьини элес маIнкьее 57 кило чекее хьебылле горуш алгъагьу. Хьебни элеесыр гъамийхьана. Амина Дагъыстанна чемпион ёкьудъэсди йаIххъе йихьа....
ЦIаIхбы Россиейни Федерациейни Дагъыстан Республике ва Азербайджан оIлкайни Закаталайни ва Къахни районбышее ешемишехьен миллет водун. Гьихъа манбы саджигее ешемишоохьи вухьа, манбышихъад джон торпагъбы ыхьа. Йишин миллет гьаммаше кочее ийкаран ыхьа. Юххьан, къыIл’ Сувал’ни дерайлхъа ейлягъыс къадайли ыхьа. Цывылихъа, кьыIдмына Галахъа (гьаIшдйни Азербайджанхъа) авайкIан вухьа. Манке не сергьатбы ыхьа деш ва манбышихъаб джона са ватан вухьа....
Февральни 15-е Афганистаныле совет гьоIкуматын къошунбы хъыгъауйн 35-е сен быкырхьа. Ман йигъ мааъаб вурушмишеебхьайнбы, джаа гьабIтуйинбы йикIелхъаваляъан водун. Мани даIвъийн таарsх ман водон, 1979-ъэсди сенни декабрьни вуза Афганистанхъа маани коммунистаршини режимыс моджехедаршиква вуккейкани мубаризее кумаг гьаъсва совет гьоIкуматын къошунбы иккечIу. Йишин къошунбы мааъад 10 сенна аху ва мани халкьыс кумаг гьели ыхьа. Ман кумаг садlжу...
ГьаIджий ШыIхамиров джуни хагьишыква вурушмишхьес аркIын ыхьа ва Харковни вилаетни Купянск шагьарни кIане аIлгьаани вурушбыше душманни гуллейке хъикIу. Манкъун джуни хизаныква аIхреейдын юшонауй манче ыхьа ва манкъуквана телефонуквана аIлакьаI явашувхьамее, делесынбыше нарагьатийвалла гьааъа гибгъыл. КьоIбле вазна манбы умудее вухьа манкъуке са джуваб хъадайлива, амма манбышис уцIурнана хабар хъабы, ГьаIджий душманаршиквани вурушбышди санчее гуллейкве хъикIува. Манкъуква...
Февральни 13-чил Дагъыстанни хаIрынкъве Сергей Меликове вааджибни суалбышди аллан иджлас ыккы. Мааъаб республикайни муниципалитетбышее йизбыше гьувойни зиянбышин оIги ыIхыйнчини гьаIкIее; халкьыни мураджиятбышилхъа иляакыйнчини гьаIкIее; коммунал инфракъурлушин объектбы тезелемишаийнчини гьаIкIее; джолебалхъа газ цIыцIавъуйнбы ашкаравъуйниме рейдбышди гьаIкIее; Дагъыстанэ здравоохранениейн объектбы ишилхъа адчыйни гьаIкIее ва менни суалбышди аллана хабаравъу. Иджласни суалбышихъа иляакассе гьихъа, регионни хаIрынкъве джуни дагъамни йигъбышее...
Феврал’ни йицIуххьанчил’ Афганистаныле йишин эскерар хъигъебчIуйн хьебцIале хьодле сен быкырехьи. Мани йигъыл’ йишди гьоIкуматыл’ даIвийе гьабтIуйн эскерар йикIел’хъаляаъа. Дагъыстанее февральни 15-чил’ джони паркеехъа эскерийвалла Афганистан илгъевчIуйн адамеер сабайли. Мааъад мани йигъыс къассырыйн митинг ва йигъынджагъбы алгъайгьи. ДаIвъийбышихъад хурунбы-чIакIынбы, писинбы-югунбы, хъодкуйнбы – терсинанбы эйхьенбы дешки. Манчин чини оIгеехъа хъадыйн карана язух гьидявъу, гьоIгъан. Инсан джуни оIлумыке...
Гьайни сенни февральни 1-чил йишди миллетни доюкани маIъаллимын, шааирын, ХаIбни Ватанни иштыракчийн Дабузов Шавкат Джаббарни духайн 100 сенний быкырхьес. Ш. Дабузов 1924 сенни февральни санчил МиххьегIни хивее шааир Джаббарни хизанее едике ыхьа. Мактаб таамаийле хъийгъа, Шавкат МиххьегIни дагъайдни сыныфбышди мактабна хааIрна гиххьы. Сабара гагьна мааъар ишлемишхьаме, даIвъий гибгъыл. 1943 сенни августни вуза мана хивни менни...
