Дагъыстанни хаIрынкъуни Сергей Меликовни тапширмишаийка СВО-йни зонэйхъа эскераршис гуманитар юкна хаIбна партие къахову. Юкни таркибе квадроциклбы, квадрокоптербы, радиостанциебы, къадын аккумуляторбы, бензиныка ишлемишехьен генераторбы ва медын лазымын ыIгьтаджбы ыхьа. Эскераршини санкъуни увгьойка, ман йишдиме хаIдын кумаг водун. Ши ман шасахъа караматчий арыйнчис гьыIсабаъа. Манкъве увгьойн: шу шолхъа тапширмишаийн мисалабы гьаллаийниме ши гьар суракен кумаг гьелесын. ОIгийл’...

Урсиятыл’ апрельни 1-чиле джегьилершин эскерехъан хъотIулый гидгъыл. ОIлкайни президентни Владимир Путинни кьарарыка къошинбышеехъа 160 аазыр инсан къахилес. Юххьанийн хъотIулый июльни 15-чилхъа меега цIыцIахьес. Эскерийвалехъа 18 ешиле 30 ешилхъа мееган джегьилер алябтIас. ГьоIкуматни регьберее хьулехьейд къейд гьаийнки, манбы Донецкни Халкьни Республикее, Луганскни Халкьни Республикее, Запорожьейни, Херсонни вилаятбышил’ еррашмишхьайни частбышеехъа къахивлес деш. ГьаIшдийле хъийгъа сабабдена эскерийвалейхъа хъобтIул...

Апрельни вузани 3-чил’ доюкани цIаIхбышди ааIлимыс ГьаIсанов Нарман Небийни духайс 85 сен быкырехье. Нарман маIъаллим едике ыхьайни йигъыква табрикаъа. Манкъус югун угъурбы ва джанана сагъвалла аIрзуламишааъа! Миллетин до гьаIракатыква хайирыкван ишбы къеджени инсанарше дюнйейни сыранеехъа ва таарыхеехъа адаччи. Дюнйейлхъа ирхьынни инсаныхъаб джуна кьисмат, джус обкIунна ыIмрена йаIхъ вобна. Гыргынкъуке деш хъобкуни йаIххъыл’ ааIс аIха. Мана...

Ватан дареенанкъаI, манчис мыга гьувой гьар инсанын бордж водун. Ватан инсан едике ыхьайн джига ва гъу ешемишехьен гьоIкумат водун. ЦIаIхбышда кIыл’на Ватан Рутул районеена Сувал’на маIгьалый АIранеедын Закаталайний Къахын районбы водунбы. Анджах Дагъыстанее ешемишоохьени цIаIхбышда хаIбна Ватан Россия вобна, АIранее ешемишоохьени цIаIхбышда хаIбна Ватан Азербайджан вобна. Манчихъа гора ши кьоIбле Ватанан са миллет водун. Россияйс...

ЙицIыйигIадъэсди мартыл’ машгьур ааIлимын Ибрагьимов Гьарун Халилни духайн едике ыхьайн 100 сен быкырхьа. Манкъуни ыIмырени, одкlунни ыlлми ишбышди ва китаббышди гьаIкIее йизди ишил’ни гьамбазарше геед югун макьалабы кlазетни сагьифабышее гьувойнбы. Къийна зынад, манкъуна теляба хьинне, маъаIллимни гьаIкIее са-кьоIлле кал’ма эгьес. Гьарун маъаIллимыква зы цIерра Дагъыстан девлет педагъожи университете хъаIдаххъанкъа кIаненче танышхьа. Мана геер йикI’ ачухна,...

Мартни 22-чил’ МаIгьачкъалее, «Горная долина» шадлыгъбы илгъечIени утагъее цIаIхни миллетна ифтар илгъевчIу. Мани маджлисее 550 инсане иштырак гьаъу. Ифтареехъа абыйнбышди аIрее Дагъыстанни динэгьлершини управлениейн, муфтиятын эл’чер, гьар хиваршеенче, шагьарбышеенче – МаIгьачкъалейнче, Дербентгъанче, Къызларгъанче, Каспийскеенче ва Рутулни, Бабаюртни районбышеенче адыйн цIаIхбышди джамаъаIт ыхьа. Джони аIрее хиваршин имамар, динэгьлер ва мебын инсанар вухьа. Ифтарна маджлис АIбдулла-гьаIджий Эфендиеве...

Рамандни вуза хаIдда хайирхагь ишбы къаджес ыккан. Мани вуза гьавъуйни югни ишбышике инсанарше хаIдын сувааб къазанмишаъасын имканбы къат-къатна хаIдхъехьи. Гьайни йигъбышее Сувал’ни маIгьалыл’ни Мишлешни хивее едаршин ифтар ыхьа. Ифтар Мишлешни хивни йыIкьнекни мактабни маъаIллимарше Лачинов Элескерейий Ибрагьимов Рамазанее къурмишаъы. Мани карее манбышис кумаг хивни джамаъаIтын гьуво. Ифтар хивни манзике илгъечIу. Мани йигъыл’ манзикехъа сиваар гихелес...

Гьайни 20 25 сен, мартыни 17-чил’ доюкани йишди миллетни дихыс Гьарун Ибрагьимовыс 100 сенний быкырхьес. Манкъвее джуна ыIмыр мизяаршиква багълыбанани ыIлимыс къабсыр ва кIоран из цIаIхни миллетни таарыхее гьадсыр. Лазымни вахтал’ Аллагье миллетин тераф аххъас, манбышин язы, адабият, таарых гьиваджес инсан къихьели. Агар шахъаб аIкIеликан, ацIаал’нан, миллетис джан гьелен инсанар девхьайнбыхьий, къийна мумкум вобний миллет...

Къийна СВО контрактникаршиква саджигее хаIбба мобилизациейхъа гябкIыйнбышейий джони хаишиква гьабкIынни джаванарше иштыракаъа. Манбышди гыргынбыше са иш вуккекка – Россия азгъунувхьайни миллетчершике, манбышис кумаг гьелени хаариджи оIлкабышике къорамишааъа. Къийна Ватанни гьийд джон бордж хъеленбышди аIрайл’ цIаIхни халкьын джаванарыб гьеххаалика вобунбы. Манбышда гьарна игит ворна. Йишди кIазетын манбыше СВО гьагвани джомардийвалике, гьокуIматни сураке алятIани наградабышике хабар гьоолена....

Февральни 26-чил Дагъыстанни девлет педагъожи университете «Тезе язынан агъулна, рутулна, цIаIхна мизяар Дагъыстан Республике: гьаIшдийна вазият ва геледжагъылхъан умудбы» маджлис вухьа. Мана Дагъыстан Республикайни ДжаIмаъатни палатайн ва ДДПУ тешкилявъу. Мааъад республикайни къуллухчерше, депутатарше, ааIлимарше, джаIмаъатчерше, журналистарше телябабыше иштыракау. Маджлис Дагъпедуниверситетни профессоре АIлисултIан АIлисултIанове вукку. ЦIедда джуваб ДР-ни ДжаIмаъатни палатайни садрыйс АIзизбег’ Черкесовыс гьуво. Манкъве республике...