КьоIдъэсын сен быкырехьи дюнйелхъа хъигъоочIена чIырвалла- COVID-19 салат1увхьайн. Манчин быкырни дюнйейл’ ешемишоохьени инсанаршин джанбы охале хъыгъаы, ешайиш, хасиятбы бадалау. Коронавирус чIырвалла Китайни Ухан’ шагьареенче гибгъыл. Сабара вахтале мана быкырни дюнйелхъа еймишивхьа. Быкырын оIлкабы карантиныква утIумхьа. Милйонбышика мани чIырвалике инсанар гьабтIу. ГьаIшдеб манчиквана мубариза вуккекка вобна. Анджах гьалекийс манчин оIги быкырда къацIакIванас аIхы деш. Гьелбедти, хайир...
Гьар сен, ноябрьни 4-чил’, йишди гьоIкуматыл’, Россияйл’, ешемишехьени миллетбышин садибын Йигъ алгъайгьи. Ман гьоIкуматни барамыс гьыIсабехьи. Мани йигъыл’ инсанарше истирагьаIт гьаъа. Россияйни миллетбыщин садибын Йигъ 2004 сенни декабрьни вуза Россияйл’ни динбышди мислягьаIтыква тасдикьау. Байрамна метлеб Россияйл’ ешемишехьен гьар миллетбы, гьар динбышис ыIбадат гьаъан халкбы саджигеехъа савъуй ва манбышин сана-санкъукан алакьабы, мугьуIбатбы утIумауй вухьа. Къийна Россиейл’...
Аlхырейни сенбышее дюнйейни еймишивхьайни коронавирусни чlырываллайн инсанаршина саакитийвалла пызмишавъуна. Пандемиейн гьокуlматбышис хаlдын зарал гьели. Садджу Россиейл’ мани азарыке гьар йигъыс аазырыле гьеххана инсан хъекlа. Мана гьиджо баляа вухьай садджу начахувхьайнбышикlле ваацlа. ЫIсмаилов Гьаlсане, больницейхъа къаляаъассе гьихъа, са уlл’джумна хааъад маалидже гьау. Манкъве къыздырма даахъа хъаъасдимее джурабаджура маалиджебы ыккы. Амма нишикеджад кумаг ыхьа деш. Манкъуна вазият...
Къийна республикайни хивни тасарруфатни министерствайн хиваршее ешемишоохьени инсанаршин ешайиш юг хъаъасдиме манбышин джан тавул’ гьуваджесдимее джурабаджура проектбы, программбы ишилхъа адачи водунбы. Мани программайни кумагыка гьайни дёлесийвалей Гыл’мецlни хивее футболын майдам аляъа гибгъыл. Цlаlхыйни дерайл’ маlгьдын майдам аляъасын гафбынан хаlбба вахтный. Мани мисалайс цlебба фыкыр «Нур» кlазетын гьуво. Цlедда маlгьдын футболун майдам Муслагъныйий Мишлешни хивни аlрее...
Лекахъана йаlхъ Лекагъанни чейлягъылле агъалла вобна. Къийна мана йаlхъ темизба дагъалмышувхьа вобна. Хьинен экlда-экlда гьаъани сел’быше инсанаршин, машынбышин ивийкырий дагъам хъаъа. Юххьан, цывлихъа дама хаlб хъувхьайнкъаl, махъа машиныд ийкар деш. Мана йаlхъ чини къайдалхъа абчес чалышмишоохьен хаlдда сенбы водунбы. Гьаlшде йаlхъбы хъаъассе гьихъа, дамани оодун йыгъааlрхъаъа гибгъыл. Юххьан, цывлихъа дама хаlб хъувхьайнкъаl, махъа машиныд ийкар деш....
Октябрьни 27-чил МаIгьачкъалее, Дом дружбайни джагварани утагъее ДДУ-ни едини мизяаршиква маIшкьулоохьени Марказее гьазирауйни китаббышин презентацие илгъечIу. Ман китаббы чапыке къайиккас ДР-ни миллетни сиясатын ва динын ишбы къеджени Министерствайн кумаг гьувы. Маджлис министре Энрик Муслимове ачухавъу. Манкъве ДДУ-ни мизяаршиква маIшкьулоохьени Марказын гьааъани ишина вааджибыйвалла агъмишавъу ва геледжагъылид китаббы къайиккас кумаг гьаъасынва мислягьаIт къавдже. Гьайни элейс М....
Октябрьни 21-чил’ йишди республике Дагъыстанни маданиятыний едини мизяаршин Йигъ алгъайгьен аIдат водун. Мани йигъыл’ аали мактаббышее, китабханабышее ва маданиятни ташкилатбышее джурабаджур майдамбышее маджлисбы, конференциебы, семинарбы эйхьи. Гьел’бедти, цIаIхбы ешемишоохьени хиваршеени мактаббышейид ман байрам чини къайдайл’ алгъайгьи. 14-ъэсди октябрьни йигъыл’ Бабаюртни районеени Калел’ни йыIкьнекни мактабее мани байрамыс къассырыйн 5 сыныфни шигыртаршини аIрее конкурс: «Югна едини мизекена...
Дюнйейни акьвал’ хаlдда санаъаlтбы водунбы. Маъаlллимар, дохтурар, инженерар, шофирар, механизатора рва мебынбы. Манчини аlрайл’ дайикьна джига хорагчее авхъаахъа. Манбышди санаъаlтни йигъыхъад хаlдын таарих дешин. Хорагчершин йигъ 2004-ъэсди сен аlрайлхъа хъады. Манке дюнйейлни хорагчерше октябрьни 20-чил’ джон байрам алгъагьас кьарарейхъа хъабы. Хорагчийн санаъаlт югун ихьейид, амма ман санаъаlт гьаъас ахаlнбы хаlбба дешобунбы. Къийнийна йизда гаф хорагбышди...
Аlхырейни йигъбышил’ Россиейл’ мани чlырывалике начахоохьенбышин сай мед хаlд хъехьи гидгъыл. Къийна гьар йигъыс Россиейл’ мана чlырывалла 34 000 инсаныхъаб ашкароохьи. Манчика саджигее гьабатlанбышин сайид агъалла хъыхьа. Чlырываллайс назарат гьаъани ташкилатбышди гьувойни маlълуматыхъа гора, мани азарыке йигъыс Россиейл’ 1 000 гьеххана инсан хъекlа. Пандемие, ковид-19, коронавирус инсанаршис аlзбархьайн сабара сенбы водунбы. Гыргынанкъаl гаф садджу манчини...
Ноябрьни 3-чиле 13- чилхъа меега Алидкыйни АIрабни Эмиратбышди (ОАЭ) Шарджайни шагьаре дюнйейни доюкани язычершини китаббышин гьагуй илгъечIес. Манчее йыIкьнекна джига РФ-ни язычершини Союзни уIзвийни Кьурбан Омахановни китаббыше авхъас. Мана адабиятни дюнйейл’ югра ацIаворна. Манкъун до гыргынанкъаI вуджее одкIунни асарбыше ацIаляу. АIрабни оIлкайл’ илгъечIесди китаббышди ярмаркехъа дюнйейни машгьур классикаршиква саджиге йишда цIаIхйелий хъортIулий хаIбна хошбахтыйвалла вобна....
