Майни 28-чил йицIыссадэсди сыныфни шыгыртарше урусни мизекена ГьоIкуматна садибна имтаIгьан хъуво (ЕГЭ). 11 сыныфна аттестат алябтIуйниме, урусни мизекена имтаIгьан мутлякь хъевлесди имтаIгьанбышда са вобна. Аттестат алябтIуйниме, мани предметыке кIыл’ба увгьо 24 бал сааъас вуккан. ЧIаIрана аттестат алябтIуйниме, кIыл’ба увгьо 70 бал лазымувхьес. Урусни мизекен гьоIкуматни садибни имтаIгьанын натийджебы гыргыни ааIли мактаббышеехъа иккебчIесдиме ваджибда. АаIли мактаббышеехъа ...
АIхрейни сенбышее цIаIхбышди джаванарше, ДРО «Цахурская молодежь» (ЦIаIхбышин джаванар) донани ташкилатын ХаIбни Ватанни даIвъийни ва СВО-ни иштракчершис къадсырийн футболын турнир алгъайгьи. Мани джаванаршди ташкилатна хааIрна Руслан Алхасов ворна. Гьайни сен ман турнир МаIгьачкъалайни Красноармейскни поселокни «Спарта» донани стадионе илгъечIу. Мани турнире МаIгьачкъалайни, Къызларни, Астарханни ва сабара медни джигабышенче адыйни 13 командайн иштырак гьаъу. Манчис информациейн...
Россиейни гыргынанкъаI 9 майил` джурабаджура тадбырбы, митингбы, парадбы, йигъынджахбы илгъечIу. Мани йигъыл` ЦIаIхни хивее ХаIбни Ватанни даIвъийни иштыракчершини абидайсанее добы одкIунийн обелиск гиххьы. Гъамувхьайни йигъыс къадсырыйн тадбырбы ЦIаIхни хивни йыIкьнекни мактабейнче гидгъыл. Мактабын маъаIллимар, шыгыртар хыле ветеранаршини шикыл`бышиква, тIетIбышиквайий шарбышиква парадейхъа хъигъебчIы. Манбы мактабни маIгьаллейнче хивни марказейхъамее ивийкар хъабы. Мааъад манбыше ХаIбни Ватанни иштыракчершини абидайни...
Инсанна югна мана ворна, дюзгунун джуваб акьвалхъа эйгьена. Анджах маIгьбын инсанар сабаранбышис хощеехъа хъабайли деш. Манбы чалышмишоохьенбы хъодкуйн гозетяъан инсанар оIгеехъа къидивкас. Манбышда кьадир гойне ваацIохье. МаIгьдын хасиятнани тайфабышда сайир раIгьматтыгъ АIлиев Рашид ШаIъбанна дих ыхьа. Мана ЦIаIхни хивни джамаъаIтни фыкрее хъодкуйн джуваб эйгьена, кьаануныква ешемишехьена, темизин напснана адамийхьинне аху. Iлиев Рашид ШаIъбанна дих едике...
Майни 9-чил Каспийскни шагьаре ХаIбни Ватанни даIвъийе Гъамувхьайни 79 сенийс къадсырыйн военный парад илгъечIу. Байрамни тадбырни шарафнани мигьманаршини арайл’ ХаIбни Ватанни даIвъийн ветеранар Ибрагьим-Паша Садыкьов, Муса Багьаудинов вухьа. Манчее Дагъыстанни премьер-министре АIбдулмуслим АIбдулмуслимове иштыракау. Гъамувхьайн Парад Каспийскни флотилиейни офицераршини дестейн ачмишау. Манбышис хаIбвалла хааIрна лейтенант Марк Холодове гьавъу, Россиейни Федерациейни гьоIкуматын байдах лейтенант Филипп Зайцеве...
Гьайни йигъбышее республикайн тентенейква Дагъыстанни халкьни шааирын СтIал Силейманын 155 сенийн юбилей алгъайгьи водун. Лезгибышда халкьна шааир СтIал Силейман аазырий молидваIще йихьцIале ючIуIдъэсди сен Кюринни округни, гьаIшде СтIал Силейманын район, Дагъайбни СтIални хивее едике ыхьа. КIыл’рананкъаI мана етимра аху ва манкъукIле дагъамни заIгьматна кьадир ушахийвале джаб ваацIоохьи гибгъыл. Ешайишисын къазындж гьаийниме, мана джурбаджурайни ишбышил’ оIлкайни...
Камиль Шамхалов Майни 7-чил Владимир Путин офицальныра Россиейни Президентни къуллухылхъа иккечIу. Мана мани къуллухыл’ йихьыдле сенна , 2030 сенилхъаме ихьес. ХаIдни Кремлевскийни имаратни Андреевскийни утагъее Путине кIын’ гьуво. Конституционни судни садрее Валерий Зорькине сиясатчийсхъа президентни гьуIкумын лышанбы хъуво. Манчини аIрее – Россиейни Федерациейни гербыкван къизлен Георгийн хач хъуво. Инаугурациейле хъийгъа, россиейни хаIрынкъве оIлкайни халкьылхъан мураджият...
Кьурбан Омаханов Темрез АIлиев Гьар инсаныкIле, гьар миллетикIле джон таарых ацIахьес ыккан. Таарыхыхъад джагваран, кIарын варакьбы эйхьи. Ман манчис ацIахьес ыккан, няъас увгьее геледжагъыл’ саIгьвбы хъидийккасдимее. Таарых миллетин гьаъа ва ман ааIлимарше, таарыхчерше ойкIан. ГьаарынбышикIле джон кьаIгьраманар, игитер, динэгьлер ваацIавхьес вуккан. Къийна йишда макьаале са динэгьлий ааIлимни гьаIкIеена ва манкъус исламни динни гьаIкIеедын вирд, ацIаал’...
Юсуф Бабаев Хаlбни Ватанни даlвъийн Советни оlлкайс хаlдын зиян гьуво. 1418 йигъна адкlынни вурушбышее милйоннбышика советын эскерар, тахсир дешин халкь, ушахар гьабтlы. ГьаIшде даlвъий тааамухьайн 79-сен быкырехьи. Манке хаlдни оlлкайс хъетlуйн зарарбы, уцlурбы къийнад йишди йикlел’ водунбы. Германиейн джона азгъунийвалла 1939-ъэсди сен Польшейхъа иккебчlыйка гибгъыл. Польша джос таlъбы гьаъуйле хъийгъа, манбыше Югославиейхъа басхын гьау. СССР-ын...
Байрам Абдуллаев Гьайни вузани 5-чил’ МагьачIкъалайни Красноармейскни поселокни «Спарта» донани стадионе цIаIхбышди ешлибышин (40 сеныле оохъани) Гъамеебхьайни Йигъыс къадсырыйн футболын турнир илгъечIу. Ман турнир «Нур» кIазетин тешкиляу ва ман илгъечIесдимее сабара йишди миллетни эл’чеерше кумагбы гьувойнбы. Турнире 6 командайн иштырак гьаъу: «МиххьегI», «Согют», «Гыл’мецI», «ЦIаIхий», «Муслагъ» ва «ЦIаIхни магьаIлна сборная». Ши гозетяуйн медни хиваршенчеб махъа...
